गजल ( साधुराम कोमलनाथ रिमाल )

गजल

बाबियोको झ्याङ् खोज्दै, काट्दै होलान यतिखेर।
चौतारोमा पिङ्को डोरी, बाट्दैहोलान यतिखेर।

साउदी कतार मलेसिया, जाने हरु फ़र्कि आए,
दशैं तिहार शुभकामना, साट्दै होलान यतिखेर।

फ़र्के होलान लाहुरेहरु, खुसी होलान बालबच्चा,
हातमा लिंदै चि चि पापा, चाट्दै होलान यतिखेर।

.आफ़्नो घरमा नहुनेले, टाउका तिर कन्याउँदै,

साहु संग र्रिण माग्न, आँट्दै होलान यतिखेर।

जस्को छैन नयाँ नाना, दशैं तिहार मिठो खाना,
कलिला ती बाल मन, फ़ाट्दै होलान यतिखेर।

▬ कोमल नाथ रिमाल(साधुराम )

नाङ्ले, भारे ५, काठमाडौं, हाल- यु.ए.इ.

सम्पादकीय …

साहित्य रस हो । रसस्वादन गरे मात्र स्वादको अनुभुती हुन्छ । दुरबाट यसको चुरोमा पुग्न सकिन्न , नकि गहिराईमा डुबुल्की मार्न नै । यसको मिठास हासिल गर्न त भोग्नै पर्छ । तर भोग गर्ने तौरतरिका भिन्न-भिन्न हुन सक्छ । सिर्जना , अध्यन , अनुसन्धान , समिक्षा यस्तै यस्तै । हरेकमा भोग हुन्छ । त्यसभित्र मिठास । त्यो मिठासको स्वर्णिमता र माधुर्यतालाई चुम्न साहित्य अपरिहार्य हो । यसैमा छ आनान्दनुभुती , एक किसिमको रोमाञ्चकता अनि पीडा भगाउने ओखती । तर पछिल्लो समय नेपाली साहित्य केही कमजोर बन्दै गएको होकि जस्तो अनुभुती हुन थालेको छ । यसप्रति युवा मनहरुको आकर्षण घटेको छ । विगतमा जुनकिसिमको लहड र उत्साह थियो त्यो गिर्दो छ । यद्यपि बजारमा समय सापेक्ष उत्कृष्ट कृति आउनै छोडेको भने होईन । अब्बल सिर्जनाहरु निस्किरहेका छन , बिकि रहेका छन् । यसै परिप्रेक्ष्यमा हामिले यो साहित्यिक अनलाइन बाँसुरी पस्केका छौँ । यसको धुन कहाँ सम्म पुग्छ त्यो त भविष्यले निर्दिष्ट गर्ला । तर कम्तिमा चित्तबुझ्दो साहित्यिक रसस्वादन गर्न नपाएका मनहरुलाई साहित्यको अमृत रस पिलाउने हाम्रो लक्ष्य हो । संसार भरका नेपाली साहित्य प्रेमी लक्षित यो साहित्यिक अनलाईन तपाईं सबैको आफ्नै अनलाईन हो । हामी तपाईंका सिर्जनाहरु नै सङ्ग्रह गरेर पस्कने गर्छौँ । त्यसैले तपाईंका अमुल्य सुझाव , सिर्जना र पथप्रदर्शनको अपेक्षा राखेका छौँ ।
♥ बाँसुरी अनलाईन परिवार

बाँसुरी अन्लाईन

गजल ( साधुराम कोमलनाथ रिमाल )

Share our page.

बाँसुरी अन्लाईन

गजल ( साधुराम कोमलनाथ रिमाल )

सम्बन्धित पोष्टहरु

Share our page.