कविता - उनको बोलिमा लठ्ठिएको म सर्वहारा (दीपक अनुरागी)

खुला मञ्चमा नेताले भाषण गरे !
निरङ्कुश राणाले जनताबिच शासन गरे छन्
उठ हे जाग भरियायामी, झुपडि सर्वहाराबर्ग
उनि माथि बन्दुकले प्रतिकार गर्नलाई
यस्तै यस्तै !!

म सर्वहारा
मजाले सुने उनको भाषण
गाउका प्रधान संग सिर ठाडो मार्न नसक्ने म नाथे
नेताको भाषणले उत्तेजना पो ल्यायो
लालाबाला सबै छाड्न मन लाग्यो !
निरङ्कुश शासन हटाउन मन लाग्यो !
कता कता नेताको बेलीले नया संसार पाए जस्तो पो लाग्यो ?

म सर्वहारा
टन्टलापुरे घाममा नेताको भाषण सुन्न गएको
म त लठ्ठिएछु जब नेताले क्रान्तिकारी भुमिसुधारको कुरा गरे !
बडो चाख मानेर सुने
कतै म सपनिमा हराएको त छैन्,
होइन पटक्कै त्यसो
नेताको बोली ठिक हो ।
पोहोर सालको चुनावमा बहुदलको विपक्षमा भोट हालियो
प्रधान महासयले भनेर ?
यसपालि त यिनै नेताको पार्टिलाई भोट दिनु पर्‍यो
मन मनै सोचे यस्तै यस्तै ।।

म सर्वहारा
सधै भावनामा बहकिने, अरुका चिल्ला कुराको पछि लाग्ने
बोलेका कुरालाई सर्वपरी हो भन्ठान्ने उहि नाथे न परे
लागियो चुनावी अभियानमा
सारा गरिब, बुर्जुवा, मजदुर, किसानको पक्षमा अडिएको दलको पक्षमा,
जनताले बहुमत नै दिए, जिते छन् देशैभरी धेरै क्षेत्रमा
चुनाव जित्ने नेतालाई हर्ष भन्दा मलाई बढी उमङ्ग पो छाएछ,
बडो प्रधान समक्ष गएर बहुदलको पक्षपोषण भएर गफ पो छाटेछु
प्रधान महासयले थपडि मारे,
बल्ल देखे उनको हात बाट बहुदलको स्पष्ट परिभाषा !!

म सर्वहारा
नेताका ती भाषण आज कहा गए म खोज्दैछु,
कसै संग शिर ठाडो परेर बोल्न नसक्ने म
अधिकारको कुरा खोज्ने भएछु,
बडो ठुला ठुला कुरा गर्ने भएछु, तर अधिकार पाउने त कहिले हो कहिले ?
कहा गए तिम्रा ति आश्वसन
कहा गए तिम्रा प्रतिबद्धता ?
अहिले लडाएछौ जातिय नारा लगाएर !!

♥ दीपक अनुरागी

सम्पादकीय …

साहित्य रस हो । रसस्वादन गरे मात्र स्वादको अनुभुती हुन्छ । दुरबाट यसको चुरोमा पुग्न सकिन्न , नकि गहिराईमा डुबुल्की मार्न नै । यसको मिठास हासिल गर्न त भोग्नै पर्छ । तर भोग गर्ने तौरतरिका भिन्न-भिन्न हुन सक्छ । सिर्जना , अध्यन , अनुसन्धान , समिक्षा यस्तै यस्तै । हरेकमा भोग हुन्छ । त्यसभित्र मिठास । त्यो मिठासको स्वर्णिमता र माधुर्यतालाई चुम्न साहित्य अपरिहार्य हो । यसैमा छ आनान्दनुभुती , एक किसिमको रोमाञ्चकता अनि पीडा भगाउने ओखती । तर पछिल्लो समय नेपाली साहित्य केही कमजोर बन्दै गएको होकि जस्तो अनुभुती हुन थालेको छ । यसप्रति युवा मनहरुको आकर्षण घटेको छ । विगतमा जुनकिसिमको लहड र उत्साह थियो त्यो गिर्दो छ । यद्यपि बजारमा समय सापेक्ष उत्कृष्ट कृति आउनै छोडेको भने होईन । अब्बल सिर्जनाहरु निस्किरहेका छन , बिकि रहेका छन् । यसै परिप्रेक्ष्यमा हामिले यो साहित्यिक अनलाइन बाँसुरी पस्केका छौँ । यसको धुन कहाँ सम्म पुग्छ त्यो त भविष्यले निर्दिष्ट गर्ला । तर कम्तिमा चित्तबुझ्दो साहित्यिक रसस्वादन गर्न नपाएका मनहरुलाई साहित्यको अमृत रस पिलाउने हाम्रो लक्ष्य हो । संसार भरका नेपाली साहित्य प्रेमी लक्षित यो साहित्यिक अनलाईन तपाईं सबैको आफ्नै अनलाईन हो । हामी तपाईंका सिर्जनाहरु नै सङ्ग्रह गरेर पस्कने गर्छौँ । त्यसैले तपाईंका अमुल्य सुझाव , सिर्जना र पथप्रदर्शनको अपेक्षा राखेका छौँ ।
♥ बाँसुरी अनलाईन परिवार

बाँसुरी अन्लाईन

कविता - उनको बोलिमा लठ्ठिएको म सर्वहारा (दीपक अनुरागी)

1 comments:

Share our page.

Popular

Label

Comment

बाँसुरी अन्लाईन

कविता - उनको बोलिमा लठ्ठिएको म सर्वहारा (दीपक अनुरागी)

सम्बन्धित पोष्टहरु

1 comments:

Share our page.