कविता - दक्षिणको हावा (डा. संदिप घिमिरे 'विक्लान्त')

याद गर हिमाली !
याद गर पहाडी !
याद गर मधेसी !
दक्षिणको हावामा

विष मिसिएको छ अचेल
अलिकति ठुलो हुनुको धाक
र हेपाहा प्रवृतिको साथ साथ
रिस मिसिएको छ अचेल !

स्वाभिमानको मास्क लगाउन नबिर्सिनु !
दक्षिणी फ्लु लाग्न सक्छ !
याद गर नेपाली !
यो फ्लु विनासकारी छ

यसको उद्गमथलो
अलि बढी व्यभिचारी छ
अलि बढी अत्याचारी छ !
यो फ्लु लग्यो भने

एउटा मधेसी होइन
एउटा पहाडिया होइन
एउटा हिमाली होइन
सम्पूर्ण देश अपाङ्ग हुन सक्छ

उस्तै परे यो प्यारो देश
इराक हुन सक्छ
सोमालिया हुन सक्छ
सिरिया हुन सक्छ
छिया-छिया हुन सक्छ !

यो दक्षिणको हावा रोक्ने हो भने
याद गर नेपाली !
मधेसी,पहाडी,हिमाली !
हामी, भूगोल भन्दा माथि उठ्नु पर्छ

जातियता भन्दा माथि उठ्नु पर्छ
आफ्नो स्वार्थ भन्दा माथि उठ्नु पर्छ
अनि हातमा हात मिलाएर
काधमा काध मिलाएर

दक्षिणी हावा विरुद्ध लड्नु पर्छ
त्यसको प्रभाव न्यून गर्न
कुनै युगमा चिनले बनाए जस्तै
‘ग्रेट वाल’ बनाउनु पर्छ
इट्टा, ढुंगा र सिमेन्टको होइन
एकता, भाइचारा र देशप्रेमको !!

♥ डा. संदिप घिमिरे (विक्लान्त)
काठमाडौं

सम्बन्धित पोष्टहरु

कविता- घोडाको जिन्दगी (कोमलनाथ रिमाल "साधुराम") घोडाको जिन्दगी सुनेको थिँ घोडा बस्दैनँ रे बस्यो भने मर्छ रे म आज घोडा भएको छु घोडा जस्तै टक्क
गजल - रामकुमार परियार गजल गुम्सिएका मनका कुरा,खोल्न बल्ल बाटो भेटेँ पिडाहरु फुकाएर , आज एउटा गजल लेखेँ । हरा
छन्दमा कविता कसरी लेख्ने ? ~पोष्टराज चापागाईं~ छन्द सिक्न चाहनेहरूका लागि मात्र ….! खास गरी हालसालै निर्माण गरिएका नया-न
साहित्य सिर्जना कसरी गर्ने ? परिभाषा हरेक मानिसका आ–आफ्नाा भावना र कल्पना हुन्छन्, हरेक मानिसमा नयाँ–नयाँ विचार उठ्छ, हरे
पँलास पनि फूल हो (कविता) – समा श्री समा श्री पँलास पनि फूल हो गमलामा तिमीले रोपेको बोट कठ्यांग्रिएको छ तुषारो
गजल - भूपाल ठाडा रानामगर"क्षितिज" गजल रात बित्यो बिहानीको,प्रहर भैसकेछछैन निद्रा सुख्खा मेरो,अधर भैसकेछ सानो-सानो झुपडीको,बय

सम्पादकीय …

साहित्य रस हो । रसस्वादन गरे मात्र स्वादको अनुभुती हुन्छ । दुरबाट यसको चुरोमा पुग्न सकिन्न , नकि गहिराईमा डुबुल्की मार्न नै । यसको मिठास हासिल गर्न त भोग्नै पर्छ । तर भोग गर्ने तौरतरिका भिन्न-भिन्न हुन सक्छ । सिर्जना , अध्यन , अनुसन्धान , समिक्षा यस्तै यस्तै । हरेकमा भोग हुन्छ । त्यसभित्र मिठास । त्यो मिठासको स्वर्णिमता र माधुर्यतालाई चुम्न साहित्य अपरिहार्य हो । यसैमा छ आनान्दनुभुती , एक किसिमको रोमाञ्चकता अनि पीडा भगाउने ओखती । तर पछिल्लो समय नेपाली साहित्य केही कमजोर बन्दै गएको होकि जस्तो अनुभुती हुन थालेको छ । यसप्रति युवा मनहरुको आकर्षण घटेको छ । विगतमा जुनकिसिमको लहड र उत्साह थियो त्यो गिर्दो छ । यद्यपि बजारमा समय सापेक्ष उत्कृष्ट कृति आउनै छोडेको भने होईन । अब्बल सिर्जनाहरु निस्किरहेका छन , बिकि रहेका छन् । यसै परिप्रेक्ष्यमा हामिले यो साहित्यिक अनलाइन बाँसुरी पस्केका छौँ । यसको धुन कहाँ सम्म पुग्छ त्यो त भविष्यले निर्दिष्ट गर्ला । तर कम्तिमा चित्तबुझ्दो साहित्यिक रसस्वादन गर्न नपाएका मनहरुलाई साहित्यको अमृत रस पिलाउने हाम्रो लक्ष्य हो । संसार भरका नेपाली साहित्य प्रेमी लक्षित यो साहित्यिक अनलाईन तपाईं सबैको आफ्नै अनलाईन हो । हामी तपाईंका सिर्जनाहरु नै सङ्ग्रह गरेर पस्कने गर्छौँ । त्यसैले तपाईंका अमुल्य सुझाव , सिर्जना र पथप्रदर्शनको अपेक्षा राखेका छौँ ।
♥ बाँसुरी अनलाईन परिवार

बाँसुरी अन्लाईन

कविता - दक्षिणको हावा (डा. संदिप घिमिरे 'विक्लान्त')

Share our page.

Popular

Label

Comment